Пејачката Емина Јаховиќ денес живее во вистински луксуз со своите синови Јаман и Јавуз. Сепак, таа никогаш не криела дека ситуацијата не била отсекогаш таква и дека израснала во тешки услови.
По разводот од големата турска ѕвезда Мустафа Сандал, пејачката добила вистинско богатство. Таа еднаш открила дека пораснала во скромно семејство и дека некогаш за нејзиното семејство луксуз било дури и да купат домати.
„Татко ми и мајка ми немаа наследство зад себе, а како лекари не спаѓаа во богати и имотни. Се сеќавам, кога речиси сите луѓе во Србија живееја тешко, дека за нас, на пример, и доматите беа луксуз. Како дете гледав во некои ситуации како соседите ги јадат. Киндер-јајце, гумени бонбони и чоколади што пукаат во устата… Сето тоа ми беше недостижно во детството“, раскажала таа и додала:
„Во времиња на превирања и војни, мајка ми ставаше млеко и јогурт во замрзнувач, кои не смеевме да ги допреме, туку ги чуваме за „црни денови“. А јас бев вистинска девојчица, обожував сјајни фустанчиња, кои ги наследував од постарата сестра… Затоа сега, кога имам, никогаш не се расфрлам. Сакам да купувам, но само она што ќе го носам, немам хирови“, изјавила пејачката.
Јаховиќ признала дека по пандемијата се променила и дека сега е подобра кон луѓето.
„Пољубезна сум кон луѓето и се трудам да се ставам во нивна положба. Порано отпуштав соработници само ако ме погледнат попреку, но сега тоа веќе не го правам. Научив да го контролирам својот его“, изјавила таа за „Информер“.
