Актерката Дру Баримор ги потврди долгогодишните гласини дека телото на нејзиниот дедо било украдено од мртовечница за да може да присуствува на „својата последна забава“.
Станува збор за Џон Баримор, легендарен актер, кој починал на 60- годишна возраст во 1942 година од цироза на слезината и откажување на бубрезите како последица на воспаление на белите дробови.
Оттогаш постојано кружеше приказната дека телото на Џон „исчезнало“ од мртовечницата, сѐ досега, кога неговата внука за првпат јавно проговори што, всушност, се случувало тогаш.
Дру вели дека телото било однесено на забава, односно на последната забава што му ја приредиле пријателите.
Забавата се состоела од тоа што телото на Џон било поставено на маса за покер за последен пат „да се забавува и да игра покер со пријателите“.
– Би сакала и моите пријатели да го направат истото за мене – открила Дру.
