Познатиот музичар Дино Мерлин стана дедо за првпат, пишува Дневни аваз.
Првото внуче Мерлин го добил пред неколку дена. На неговиот син Хамза и снаата Џенета им се роди синчето Незир.
„Мајката и бебето се веќе дома и добро се чувствуваат. Честитки за семејството доаѓаат од сите страни“.
Синот на Мерлин минатата година се венчал со Џенета, а нивната љубов трае уште од гимназиските денови и оттогаш се неразделни. Биле во врска седум години. Момчето го добило името Незир по неговиот прадедо, таткото на сопругата на Дино Мерлин.
Дино и неговата сопруга Амела се пресреќни поради првиот внук, како и нивната ќерка Наида, која станала тетка.
