Руперт Мардок, медиумскиот магнат кој ги контролира Fox News, Wall Street Journal и многу други медиуми, и актерката и супермодел Џери Хол, официјално се разведоа по шест години брак. Ова го пренесува Daily Mail.
Тие остануваат добри пријатели и си посакуваат се најдобро во иднина— вели претставник на парот.
Еден ден претходно на мрежата се појавија гласини дека Џери Хол побарала да го повлече барањето за развод. Иницијатор за развод од нејзиниот сопруг, чие богатство се проценува на 18 милијарди долари, беше самата Хол: таа ја објасни својата одлука со „непомирливи разлики“.
Според законите на Калифорнија, по развод, сè што се стекнува во бракот вклучително и имотот треба да се подели на половина. Во бракот, парот се здоби со скапи недвижнини во Оксфордшир, ранч во САД и други имоти.
Двојката се венча во 2016 година. Тогаш Мардок имаше 85 години, а Хол 59 години. Воедно, ова е четврти официјален брак за Мардок, а прв за Хол.
Секој од нив има деца од претходните врски: Мардок има шест деца, а Џери Хол има четири деца од врската со Мик Џегер.
Мардок има прилично скандалозна репутација: медиумите кои му припаѓаат често беа обвинувани за манипулирање во негови интереси, како и за хакирање на телефоните на ѕвездите и членовите на кралското семејство.
