Џеј Лено се опоравува од сериозните изгореници по пожарот во автомобил во Лос Анџелес за време на викендот, објави 72-годишниот комичар и поранешен водител на „Tonight Show“.
„Добив сериозни изгореници од пожар поради бензин. Добро сум. Само треба една или две недели да застанам на нозе“, рече Лено во изјава за NBC News во понеделникот вечер. Тој беше хоспитализиран од понеделник попладне.
Лено, кој ја води емисијата „Jay Leno’s Garage,“ на CNBC, работел во неговата гаража во Лос Анџелес во саботата кога во еден од неговите автомобили настанал несреќен пожар. Тој е познат и по неговата голема колекција на класични и врвни возила.
Лено бил однесен во Центарот за изгореници Гросман во Вест Хилс, откако пламенот ја изгорел левата страна на неговото лице, но не продрел во очите или во увото, изјави близок до Лено за NBC News. Тој го откажа настапот во Лас Вегас кој беше закажан за недела навечер, како и сите негови ангажмани во текот на неделата.
