Прекрасната круна на Свети Едвард, официјалниот амблем на британската монархија, е земена од Лондонската кула, каде што се чува како централен дел на накитот на кралското семејство и сега се работи на неа на промена на дијаметарот за да одговара на главата на кралот Чарлс III, во пресрет на церемонијата на крунисување, закажана за 6 мај следната година во Вестминстерската опатија, осум месеци откако се случи наследувањето на тронот по смртта на Елизабета II.
Круната, направена во 1661 година за кралот Чарлс II Стјуарт е висока 30 сантиметри, широка 66 сантиметри и тешка 2,23 килограми.
Составена е од основа со четири лилјани испреплетени со четири крста, над кои сводовите надвиснуваат глобусно завршувајќи во голем крст. Внатрешниот дел е кадифен, а на надворешниот блеска вистинско богатство.
Имено, круната е изработена од 22 каратно злато, со 444 скапоцени камчиња: 345 аквамарини берил, 37 бел топаз, 27 турмалини, 12 рубини, 7 аметисти, 6 сафири, 2 циркона, 1 гранат, шпинел и алмандин.
