Пејачката Дара Бубамара отворено зборува за своите финансии и не крие дека сама заработува за сè што има – вклучително и за импресивниот возен парк вреден половина милион евра.
Како голем љубител на автомобили, Дара често се почестува со нови „бесни машини“, а не застанала ни кога станува збор за нејзиниот син Коста, кому исто така му купила скап автомобил. Таа има неколку „мерцедеси“ и секогаш вози најнови модели.
Пејачката, која има 48 години, не се двоуми да зборува и за цените, велејќи дека сака да си удоволи себеси – кога веќе самата го заработува сето тоа.
Синот Коста го доби со поранешниот сопруг Милан Кесиќ во 2009 година, а Дара често истакнува дека нивниот однос е пријателски.
Сепак, нејзината страст кон луксузните автомобили понекогаш ѝ создава и проблеми – неодамна во Нови Сад беше фотографирана како го паркира својот „мерцедес“ на половина тротоар, а со другиот дел на улица, што предизвика бројни реакции на социјалните мрежи.
Дара покрај автомобилите поседува и четири стана, а моментално гради и куќа. Очигледно е дека нејзините настапи добро се исплатуваат – и таа тоа не крие.
