Пејачката Вики Миљковиќ без задршка проговори за својот премин од „Ѕвездите на Гранд“ во новото музичко шоу „Пинкови ѕвезди“, кое денеска ја имаше својата прва јавна аудиција. Во жири-комисијата седнаа Јелена Карлеуша, Зорица Брунцлик, Драган Стојковиќ Босанац, Драгомир Деспиќ Дизajнерка и самата Вики.
За оваа прилика, Вики се појави во долга цветна тоалета со длабоко деколте, која ги истакна нејзините облини, а целиот стајлинг го заокружи со црвени штикли.
Во интервју за „Курир“, Миљковиќ зборуваше за коментарите дека со заминувањето од „Ѕвездите на Гранд“ го „издала“ долгогодишниот пријател Саша Поповиќ.
– Мене ми е прекрасно и овде, а и во „Ѕвездите на Гранд“ ми беше убаво, таму останаа многу драги луѓе. Со „Пинк“ сум поврзана од 1994 година, таму растев и се градам. Сале Поповиќ беше мој пријател триесет години и тоа ќе остане засекогаш. Јас не го издав со моето заминување, напротив – го сакав многу. Неговото семејство ми е блиско и имам нивна поддршка – рече Вики.
Таа додаде дека на лошите коментари не им придава значење: „Тоа се глупости. Народот е секогаш на моја страна, јас сум народен човек. За него и за неговото семејство би направила сè“.
Вики проговори и за односот со Јелена Карлеуша, со која повторно соработува во жири-комисијата.
– Со Карлеуша и порано сум соработувала успешно. Цеца е моја фамилија и со неа никој не може да се спореди. Јас ја гледам како сестра и кума, поврзани сме со семејни врски. Нема љубомора, нема споредби – затоа и е таму каде што е. Средбата со Јелена помина најнормално – искрено изјави Миљковиќ.
