Милица Тодоровиќ, која е во треттиот месец од бременоста, подготвува тајна свадба во септември со избраникот чиј идентитет сè уште го чува од јавноста. Веднаш штом ја дознала среќната вест, пејачката решила целосно да се повлече од сцената – ги откажала сите настапи и се посветила на себеси и на бебето.
Колешка на Милица, која инсистирала на дискреција, изјавила за „Курир“: „Се слушнав со Милица, мислам дека цела естрада ја побара, сите се воодушевени што ќе стане мајка. Ако знаете каква е како тетка, можам само да замислам каква мајка ќе биде. Многу ми е мило, а кој е таткото – знам, ама не можам да откривам. Колку што разбрав, свадбата ќе биде во септември и тоа само со најблиските – кумови и семејство. За славјето не прашав, ама со неа – сè може да се смени во последен момент.“
Како што претходно беше објавено, победничката од втората сезона на „Ѕвездите на Гранд“ ужива во врската со партнер кој не е дел од јавниот свет, а нивната љубов се родила на прв поглед и брзо се развила во силна емотивна врска. Таа моментално е во родниот Крушевац, каде што, според блиски извори, е и нејзиниот партнер. Ќе живеат на релација Белград – Расински округ. Тој е нежен и внимателен, токму каков што отсекогаш посакувала. Од моментот кога дознаа дека ќе станат родители, тој не се одвојува од неа. Иако таа е јавна личност, а тој не сака експонирање, тоа воопшто не им пречи.
Во едно неодамнешно гостување на подкастот на „Екстра ФМ“, Милица сподели дека не ѝ се допаѓаат традиционалните свадби. „Не ми е важно каде ќе се венчаме, само да не е традиционално. На таквите свадби има премногу гости, мораш на сите да им посветиш внимание, а јас сакам да се веселам. Ќе се бакнуваме со сите други денови. Мајка ми не се согласува, вели: ‘Како, ќерко, мора барем малку…’ А јас ѝ велам: ‘Ќе бидеш поканета на некои Сејшели’“, изјави пејачката низ смеа.
