Српската пејачка Александра Пријовиќ е бремена со нејзиното второ дете, а за својот сопруг Филип Живојиновиќ изјави дека тој е „сѐ што отсекогаш барала“ и истакна дека неговата поддршка многу ѝ значи.
„Супер сме, ја имам поддршката на Филип од првиот ден, најсреќна сум поради тоа. Запознав човек кој е многу добар, искрен, не можам да му најдам маана и да сакам. Отсекогаш сум велела и сто пати ќе кажам, дека денеска сум овде, не сакам да кажам поради него, но тоа е негова најголема заслуга“, изјави таа неодамна.
Покрај тоа, пејачката ја потврди и веста дека е бремена.
„Вистина е, бремена сум. Ви благодарам на честитките“, изјавила кратко таа за српски „Блиц“.
Александра и Филип го имаат синот Александар кој има 6 години, а пејачката неодамна во емисијата „Цеца шоу“ откри дека сака девојче.
– Би сакала девојче. Мислам, најважно е детето да е живо и здраво и сè да биде како што треба. Но, кога би можела да бирам, би сакала девојче“, искрено изјави тогаш Александра.
Со концерт во Белградска арена на 22 декември, Пријовиќ ја заврши турнејата и одлучи на одредено време целосно да се повлече од сцената. Нејзиниот последен настап го одржа на Златибор за новогодишната ноќ.
