Славниот канадски рокер Брајан Адамс се најде на мета на критики поради статусот на Твитер кој на крајот го избриша.
Имено, тој удри по луѓето „кои јадат лилјаци“, бидејќи како што стојат работите, тој бил изнервиран од фактот што морал да го откаже продолжувањето на турнејата, кое беше предвидено за 11 мај.
„Денеска требаше да продолжам со концертите, но поради алчните копилиња од влажните пазари кои јадат лилјаци, целиот свет е на чекање, да не ги споменувам илјадниците кои боледуваа и починаа од коронавирусот“, напиша Адамс.
Обожавателите го искритикуваа поради тоа, а некои му порачаа и дека е расист.
Иако тој својот статус го избриша од Твитер, подоцна истото го објави и на Инстаграм.
