Познатиот пејач Бобан Рајовиќ открива зошто не би сакал неговиот син да биде во врска со девојка од музичкиот свет – иако вели дека ги почитува своите колешки, не ја гледа таа комбинација како добра за својот наследник.
Бобан често зборува со гордост за своите деца – двете ќерки и синот Андрија, кој иако го наследил музичкиот талент од татко му, решил да оди по свој пат. Наместо на сцена, Андрија гради кариера во фудбалот и во моментов живее и тренира во Данска, каде е многу активен и на социјалните мрежи.
– Сите мислат дека децата на јавни личности имаат полесен пат, но мојот син мораше двојно повеќе да се докажува – вели Рајовиќ.
Во интервју за „Гранд“, пејачот открива дека се труди да му биде водилка на синот кога станува збор за изборот на партнерка, но сепак, последниот збор ќе го има Андрија.
– Ќе се обидам да му помогнам да препознае што е вистинска среќа. Љубовта не може да се контролира, но мислам дека знам која жена би му одговарала – искрен е пејачот, додавајќи:
– Немам ништо против пејачки, ги почитувам сите мои колешки, но не знам како би функционирале две толку различни кариери заедно. Би преферирал нешто поедноставно, подалеку од јавната сцена.
Интересно е што Андрија покрај спортската кариера, неодамна се вклучил и во менаџирањето на кариерата на својот татко.
– Последниве месеци сме заедно буквално 24/7. Тоа што тој го прави – со срце, со став и со манири – ми недостасувало цела кариера. Тој е вистински „мангуп со манири“ – вели гордо Бобан.
