Една од најпопуларните инфлуенсерки во Хрватска, Ела Дворник, објави ново видео на социјалните мрежи. Во него таа зборувала што очекува од еден маж, а со видеото напишала: „Ќе останам сама, сепак е рецесија“.
– Јас сум навистина спонзоруша и сум навистина скапа жена и мислам дека барам работи од маж кои се навистина исклучително скапи – започнала Ела и посочила кои се сите работи што ги очекува од маж.
– Барам самодоверба. Добар хумор, црн. Сарказам, емоционална интелигенција, сигурност, присуство, амбиција, емпатија, автентичност, самодоверба, страст – набројала Ела.
– Да не должам, ова се многу скапи работи бидејќи кај психолозите и психијатрите, еден час е приближно помеѓу 50 и 70 евра и потребно е доста долго време за да се стигне до сето тоа, така што… Многу скапо! – порачала Ела Дворник.
View this post on Instagram
Потоа ја прашале во коментарите што таа нуди за возврат, па Ела им одговорила на своите следбеници.
– Емоционална интелигенција, рационалност, објективност, лојалност, емоција, љубов, страст, похота, искреност, поддршка, автентичност, хумор, мотивација, валидација, сигурност, простор за ранливост, поврзаност, акција, афирмација на машката улога, енергетска рамнотежа, финансиска стабилност, сигурна база, покорност, хедонизам. И секси сум – напишала Ела во коментарите.
Да потсетиме, Ела Дворник, очигледно, пронајде нова љубов. Откако неодамна објави фотографија на која е во интимна прегратка на непознат маж на каучот во нејзиниот дом, таа објави уште една, уште поромантична.
Ела и непознат маж се држеле за раце додека пред нив стоело шише вино. Ела ставила емотикон во форма на срце во описот на фотографијата.
Ќерката на Дино Дворник моментално е во процес на развод од Британецот Чарлс Пирс, а неодамна се пожали дека бракоразводната постапка трае многу подолго отколку што очекувала и дека сè уште не решиле ништо.
– Денеска требаше да имам рочиште. Беше одложено поради болест. Новиот датум што ми го дадоа е дури за 6 месеци!!! Во новата учебна година!? На рочишта одам од 2022 година. Сега е 2025 година. Ќе биде набрзо 2026 година. Сè уште нема да имам никакво решение?! Досега ништо не сме решиле! Ќе го изгубам трпението, а потоа ќе ги вклучам сите во ова – налутено порачала таа во своите инстаграм-приказни.
