Раперот Стефан Ѓуриќ Раста неодамна имаше турбулентен период со поранешната сопруга Ана Николиќ.
Поранешните сопружници јавно се караа, објавувајќи приватна кореспонденција на социјалните мрежи.
Сега Николиќ ги користи социјалните мрежи за да објавува слики од своето ново момче, композиторот Горан Ратковиќ Рале.
Двојката отворено покажува колку се сака, а сега медиумите побараа од Раста да го искоментира избраникот на неговата поранешна сопруга.
„Не го познавам. Никогаш не сум работел со него, па немам мислење за него”, накратко рекол Стефан, а потоа се осврнал и на врската со ќерката која ја доби во бракот со српската пејачка.
„Што се однесува до моите денови со Тара, ги користам на најдобар можен начин. Го сакаме сонцето, базенот, летото, убавото време. Ја отворивме сезоната за пливање и во куќата. Јас сум среќен човек“, рече раперот.
