Српскиот фолк пејач Аца Лукас наводно во неделата го спасил работникот на бензинска пумпа кај Сремска Каменица кога околу четири часот наутро се појавил разбојник и наводно му се заканил со нож, пишува српски „Курир“.
Аца Лукас случајно се нашол на бензинска пумпа и веднаш помогнал кога влетал разбојник и му побарал пари на работникот. Сè се случило на патот Нови Сад – Сремска Каменица.
– Ноќеска, односно околу 4 часот утрово, разбојник дошол до пумпата и му се заканил на работникот со нож, барајќи да му го предаде целиот пазар. Случајно, токму во тоа време, наш познат пејач застанал на бензинската пумпа за да наполни гориво. Штом видел што се случува, интервенирал и успеал да го избрка разбојникот – тврди изворот на „Курир“ и додал дека никој не е повреден и дека разбојникот не успеал да ја ограби пумпата.
По повод грабежот се огласил и Аца Лукас.
– Бев на пумпата, не би зборувал понатаму на таа тема, оставете ја полицијата да си ја заврши работата. Благодарам – рекол Лукас за „Хајп“.
