Турбофолк ѕвездата Александра Пријовиќ одржа пет последователни концерти во Загреб и покажа вистинска доминација пред хрватската публика.
Сепак, нештата не биле толку сјајни за младата пејачка „зад кулисите“.
Како што откри на бината, пред синоќешниот концерт побарала помош од лекар, кој ѝ дал инфузија.
„Мислев дека нема да издржам, но издржав“, рекла Пријовиќ и му се заблагодарила на лекарот.
Маја Беровиќ и Дејан Матиќ ѝ беа музички гости на синоќешниот концерт, а од публиката ја бодрела нејзината свекрва Зорица Накиќ.
Пејачката посебно ѝ се обрати и ѝ се заблагодари што го родила нејзиниот сопруг Филип Живојиновиќ.
