Пејачката Милица Павловиќ ги прави последните подготовки за спектакуларниот концерт што ќе го одржи на 23 декември во Штарк Арена, а сега реши да проговори и да им објасни на обожавателите дека е разочарана од колегата Аца Лукас со кој го сними дуетот. „Кидаш ме“ пред неколку години.
Како што објасни таа, била принудена да ја избрише оваа песна од нејзиниот канал на Јутјуб, за, како што истакна, пејачот и неговиот тим да не го избришат целиот нејзин канал поради авторски права.
Милица и Лукас снимија дуетска песна која дури и ја екранизираа, но авторските права на неа ги има само Аца. Поради пријателскиот однос Павловиќ не мислела дека треба да го потпише договорот, но како што вели сега многу се покајала, но и се вразумила.
„Добро подгответе се за 23 декември зашто во Штарк Арена на гла ќе ја пееме и „Кидаш ме“! Можеби не можете да ја слушате на Јутјуб, но на концерт ќе ја пееме заедно. Ова е сигурно најскапа песна во мојата кариера – прво ме чинеа многу вложувања музиката и текстот, потоа спотот и настапот, а потоа и перформансот и промоцијата, а потоа и многу нерви изгубив и доживеав многу стрес поради оваа песна, зашто после се морав да ја отстранам од Јутјуб и така да го спречам ризикот цел канал да ми страда поради една песна“, започна Милица и додаде:
„И многу тешко тоа го поднесов. Ме знаете доволно добро, многу сум фер и посветена, се обидувам се во мојата кариера да биде стокмено “под конец’, го почитувам секој договор и ветување. И верувам. Но се испостави дека ова последново и не ми е баш паметно, зашто тоа што поради пријателство, почит и пријателство не потпишав “едно ливче“, ми направи проблем. Зашто доволно ме познавате, јасно ви е дека многу често помислувам на оваа песна и дека секој пат исто се нервирам. Но се ова ме научи една важна лекција. Од тој ден буквално секој што дише воздух во студиото, потпишува договор. Не ми е тешко, имам безброј од тие “важни хартии“ и сите се на сигурно. За секој случај. Нема веќе Милица Павловиќ да биде будала“, напиша Милица на својот Инстаграм профил.
