Ацо Пејовиќ се присети на своето детство и призна дека не бил мирно дете. Најдобро за неговите несташлуци зборува анегдотата на која пејачот често се потсетува.
ејовиќ вели дека во младоста бил многу несташен, а друштво за тоа му правеле неговите браќа. Тврди дека никогаш нема да заборави како направил хаос околу својот дедо.
„Мислам дека бев многу несташен, но во некои граници на нормалата. Не правев некои страшни работи, но имаше и такви, во помала мера. Се сеќавам еднаш, кога ни дојде дедо во посета, па седна покрај шпоретот да се стопли. Ме наговори брат ми да фрлам некоја инјекција во шпоретот, не се сеќавам каква, само да видиме како ќе пукне. Ја фрлив, а кога експлодираше, дедо беше цел во чад“, раскажуваше еднаш Пејовиќ, но тука не застана.
„Во еден период бевме опседнати со некакви ножиња, се замислувавме дека сме борци. Тогаш брат ми ме наговори да украдеме пари од татко ми за да ни купи тие ножиња“, открива Ацо.
Иако денес ужива во луксуз, животот на Ацо Пејовиќ не бил секогаш лесен.
„Имав 14 години и тоа за мене беше тежок период. Бев во ученички дом кој беше руиниран, ладен, со соби каде што спиеја по 6-7 луѓе и заеднички бањи. Но, Боже мој, сè тоа поради музиката“, се присети Пејовиќ и додаде:
„Не плачев, но ноќите ми беа тешки. Во град си во кој не познаваш никого, ама баш никого. Стресно беше затоа што бев дете. Требаше да се снајдам, да ја истерам приказната поради која дојдов. Можеби еднаш месечно успевав да се вратам дома. Се радував на мајчината кујна, не можев да носам храна во домот затоа што немаше каде да ја чувам. Баш беше како војска. Се сеќавам, еднаш кога мајка ми ме посети, си замина дома со солзи во очите. По десетина дена се појави татко ми и рече: ‘Морам да ти го сменам домот. На мајка ти не ѝ се допаѓаат условите во кои живееш’“, раскажа пејачот.
Да потсетиме, Ацо Пејовиќ денес живее со семејството во една од најлуксузните вили во Белград, проценета на 800.000 евра.
