Популарниот пејач Аца Лукас си подари нов автомобил вреден 150.000 евра, истиот модел што го вози и неговиот менаџер и продуцент Саша Мирковиќ.
Познат по љубовта кон убави жени и луксузни автомобили, Лукас одлучил да го обнови својот возен парк. Според информациите на српскиот „Курир“, автомобилот го увезол од странство и чекал околу еден месец за да му биде испорачан токму моделот што го посакувал.
Но, тоа не е единствената инвестиција на фолкерот во последно време. Тој неодамна го реновирал и својот стан на Вождовац, за што вложил 250.000 евра. Поради градежните работи, веќе повеќе од половина година живее во Нови Сад. Сега кога уредувањето на станот е при крај, пејачот наскоро ќе се врати во својот мирен дом во Белград.
По повод овие информации, редакцијата се обидела да стапи во контакт со пејачот, но тој не одговорил на повиците и пораките. Од друга страна, Саша Мирковиќ ги потврдил сознанијата, но одбил да изнесува детали.
