Еден од најпопуларните пејачи на овие простори со децении зазема високо место на листата на „срцекршачи“, тоа е кариера која се одвиваше паралелно со музичката. Многу дами од Вардар до Триглав и денес „не би му простиле“.
Сепак, неговото срце повеќе од две децении ѝ припаѓа на сопругата Александра, со која има две ќерки. А, дали знаете која му била првата љубов на Здравко Чолиќ?
Таа вчера се појави на Филмскиот фестивал во Сараево и ги привлече сите погледи на црвениот тепих во интересна креација. Нејзиното име е Јасна Орнела Бери, има 70 години и е позната босанско-херцеговска актерка.
View this post on Instagram
Чола и Јасна се вљубиле во седумдесетите години на минатиот век, додека двајцата живееле во Сараево. Но, за таа романса Јасна проговорила неколку децении подоцна.
– Ние се запознавме многу млади, одамна. Отидовме на Скендерија, во Домот на млади, кој собираше таленти, тука имаше не само музичари, туку и актери и сликари. Се дружевме и тука првпат се вљубив – раскажала Јасна за „Дневни аваз“.
– Сите имаме први љубови и секогаш ќе има дел од моето срце кое е резервирано само за него. Особено затоа што имав прекрасно искуство кое ќе го паметам до крајот на мојот животот – додала Јасна.
View this post on Instagram
Потоа, нивните патишта се разделиле, а, по војната, повторно се сретнале.
– Беше тоа многу емотивна средба. Здравко е човек кој шири позитивна енергија, го има тоа нешто. Тој е добар човек. Кај него го сакав тој негов нерв, таа искра во окото којашто не престанува.
– Тоа и понатаму е љубов што не можете да ја погалите и држите за рака. Ми ја посвети песната „Ноќ ми те дугује“ – открила првата љубов на Здравко Чолиќ, која публиката ја гледаше во популарните филмови и серии како „Во земјата на крвта и медот“, „Луд, збунет, нормален“…
