Во новото интервју за списанието „Билборд“, Селена Гомез проговори за 2020 година која беше тешка за сите нас, но таа дефинитивно го извлече најдоброто од неа, барем за нејзината кариера.
И покрај пандемијата на коронавирусот, поп-ѕвездата, која покрај музичката кариера е одличен претприемач и актерка успеа да го извлече најдоброто од сè што оваа година и го овозможи. Таа се врати на музичката сцена со албумот „Rare“, беше ѕвезда на кулинарското шоу „Selena + Chef“ и ја лансираше колекцијата шминка „Rare Beauty“.
Иако во фокусот на написот е маркетингот и тимот кој работи за Селена, таа зборуваше и за музиката, пред се за соработката со групата „BLACKPINK“ на песната „Ice Cream“, која дебитираше на 13-тото место на списокот на топ 100 хитови.
– „BLACKPINK“ се одличен бенд, нивниот албум е одличен и сметав дека ќе биде забавно да влезам во еден поинаков свет, па затоа не размислував многу дали да снимам со нив, изјави Селена.
– Синглот беше потполно различен од сè што снимав досега, но тоа беше поентата. Самата идеја за снимање нешто со доминантна женска група, за презентирање на нивната култура пред американската публика – и обратно – ми изгледаше совршено, објасни таа.
Синглот не беше успешен само на топ-листите, туку и за сладоледот „Serendipity“, кој е во ко-сопственост на Селена, претстави посебен вкус на сладолед, инспириран од песната, додека камионите за сладолед возеа низ Лос Анџелес, промовирајќи ја песната и споделувајќи сладолед.
