Уште како деца учиме дека зајаците сакаат моркови, а на глувците омилена храна им е кашкавалот. Но дали е тоа така?
Со текот на времето се развиле различни теории и се слушнале многу факти за исхраната на животните кои во многу случаи не се баш точни. Па, дали глувците навистина сакаат кашкавал?
Дека не е вистина сè што гледаме на телевизија може да се види во овој пример. Имено, глувците не можат да бидат љубители на таква храна. Сетилото за мирис кај глувците е доста развиено и чувствително, па секоја храна што има посилен мирис всушност би им пречела. Значи, нема кашкавал што ќе го израдува малото глувче. Истото важи и за другите сирења со силен мирис.
Тогаш, што сакаат глувците?
Бидејќи реагираат на мирисот, вкусот и текстурата на храната, кашкавалот никако не е на нивната листа, но ги привлекува храна со многу јаглехидрати. Примери се житарките и овошјето.
Како настанал митот за кашкавалот и глувците?
Иако цртаните филмови често ја покажуваат љубовта на глувците кон кашкавалот, овој мит настанал малку порано. Имено, се верува дека во средниот век, глувците често се наоѓале во оставата со кашкавал. Но, тие консумирале кашкавал не затоа што им се допаѓало, туку затоа што сета друга храна била недостапна (месото се посолувало и се чувало на високо, а житарките се чувале на недостапни места – во тегли).
Доколку планирате да земете каков било вид на мало животно за домашно милениче, важи правилото како и во секој друг случај: консултирајте се со ветеринар за правилен избор на храна.
