Менопаузата е природна појава низ која поминува секоја жена кога ќе влезе во одредени години, а знаците можат да почнат уште околу четириесеттата година. Обично се јавува природно, најчесто по 45-годишна возраст. Менопаузата е специфичен и предизвикувачки период во животот на жената, како физички така и психички, како резултат на многубројните промени што се случуваат.
Повеќето жени не се подготвени за појавата на симптомите на овој синдром и се создава паника затоа што тоа го означува крајот на нивната плодност.
Иако симптомите се ненадејни и траат одредено време, сосема се природни.
Еве некои симптоми што укажуваат на почеток на менопаузата:
1. Нередовен циклус – е првиот и највообичаениот симптом на менопаузата. Тој е резултат на нестабилноста на хормоните на телото, кои работат до крајот на плодноста.
2. Валунзи – налети на топли бранови, а понекогаш дури и ладни валунзи, се случуваат одеднаш и предизвикуваат црвенило на лицето. Сето тоа се случува поради падот на естрогенот.
3. Непријатност при спиењето – жените што поминуваат низ менопауза може да страдаат од несоница, бидејќи не можат да спијат поради налетот на топлината. Покрај снабдувањето со естроген на телото, дури и снабдувањето со прогестерон опаѓа во периодот на менопаузата.
4. Сувост на вагината – поради намалување на производството на естроген, кој е одговорен за одржување на влажноста на вагината, вагиналното ткиво почнува да се суши и станува помалку еластично.
5. Напнатост и депресија – чувството на напнатост (тензија), раздразливост, иритираност и депресија може да ја совлада жената што поминува низ менопауза. Анксиозноста и чувството на губење на емоционалната стабилност се вообичаени симптоми, какви што се нападите на паника, и физичките знаци, каки што се забрзаното чукање на срцето и отежнатото дишење.
6. Болка во екстремитетите – поради хормоналната нерамнотежа, екстремитетите полека отекуваат и почнуваат да болат. Меѓутоа, ако болката станува сѐ почеста и неподнослива, треба да посетите лекар.
7. Хормонална нерамнотежа – чест симптом на влегување во менопауза е и постоењето на хормоналната нерамнотежа, што се рефлектира во промените во растот на косата. Поради намаленото производство на естроген може да дојде и до проретчување или губење на косата.
Други симптоми
– Болки во градите
– Потреба за почесто мокрење
– Емоционални промени
– Сува кожа, очи или уста
– Замор
– Депресија
– Забрзано работење на срцето
– Главоболки
– Болки во зглобовите и во мускулите
– Зголемување на телесната тежина
