Здраво, ова е Аби. Аби е ескперт за уништување играчки, љубител на грицки и дремки. Златна ретриверка со златно срце. Аби ги сака сите – возрасни, деца, бебиња, кучиња, мачиња, големи и мали, познати и непознати. Омилен ѝ е секако флегматичниот мачор Мичо, со кого се цимери веќе три месеци. И покрај дисплазија на колковите, Аби ужива да оди на прошетки. Можете да ја сретнете како душка низ маало, трча во парк, или како пробува да ве шармира во некое од скопските кафулиња. Доколку ја сретнете Аби, слободно погалете ја, а за возврат ќе добиете насмевка и позитивна енергија што ќе ви го разубави денот.
