Само три дена откако таа и принцот по празниците поминати во Канада пристигнаа во Британија, Меган повторно се врати во Ванкувер.
Британските медиуми не престануваат да ја коментираат одлуката на принцот Хари и неговата сопруга Меган Маркл да се откажат од сите кралски должности, а војвотката од Сасекс сега се одлучи на нов потег.
Британските медиуми ја анализираат и ја коментираат целата ситуација, а Хари и Меган по првото соопштение веќе не се огласуваа.
Но Меган сега се одлучи на потег кој сигурно дополнително ќе ја разбесни британската јавност.
Само три дена откако таа и принцот по празниците поминати во Канада пристигнаа во Британија, Меган повторно се врати во Ванкувер, каде што осуммесечниот син Арчи го оставила со дадилката.
Многумина го протолкуваа тоа како бегство, додека нејзиниот сопруг се соочува со гневот на семејството и на британската јавност.
Според извор упатен во ситуацијата таа воопшто немала намера долго да остане во Британија, а до кога ќе остане во Канада не е познато.
Кралицата му наредила на своето семејство да пронајдат решение кое ќе овозможи на нејзиниот внук и на неговата сопруга непречено да ги напуштат своите кралски должности.
