Кејт Мидлтон вели дека имала среќно детство и дека на своите деца сака да им даде иста количина љубов и да ги воспитува како што родителите ја воспитувале неа, нејзината сестра и нејзиниот брат.
„Најмногу паметам некои едноставни работи од своето детство, како што се играње во парк, па што почесто се обидувам своите деца да ги изнесам во парк на свеж воздух. Животот стана толку забрзан, што едноставните работи како што се гледањето на зајдисонцето се луксуз. Без оглед на целиот луксуз што го имаме јас и моите деца, најмногу уживам во едноставните работи, а гледам дека тоа и на нив им се допаѓа“, вели Кејт.
Војвотката открива дека најмногу се радува на прошетката во природа.
„Мислам дека тоа е одлична работа за физичко и ментално здравје. Така тие ќе израснат во силни луѓе кои знаат да ги ценат вистинските вредности. Често си наметнуваме обврски, морам ова да го направам или само уште она, а забораваме на суштината на животот. Сè треба да биде едноставно“, додава Кејт Мидлтон.
„Постои една фотографија на која Шарлот мириса сино цвеќе на некоја ливада. Таа предизвикува вистинска топлина во моето срце, бидејќи е асоцијација на моето воспитување. Поминувајте што повеќе квалитетно време со децата и не грижете се премногу”, заклучува Кејт.
