Најголемите европски авиокомпании започнаа да превезуваат патници низ цела Европа, во ограничен обем. Имајќи го предвид фактот што границите на некои земји се затворени, летовите се ограничени. Основниот план на сите аеродроми во светот, е намерата да ги убедат патниците во безбедноста на летот – воздушен превоз без ризик од инфекција со коронавирусот.
Започнаа резервациите во популарните европски туристички дестинации како Шпанија, Грција, Италија, Португалија кои сега се отворени за туристи, пред се за земјите од Европската унија.
Авиокомпаниите првенствено се обидуваат да влијаат на патниците со информациите на интернет, а маските се задолжителни насекаде. Постои видлива социјална дистанца на аеродромите, на која Ве потсетуваат во секое време вработените. Сите обврски се поедноставени и скратени на минимум, со цел да се задржат патниците што е можно пократко. Билетите се уште се поскапи од вообичаено.
Кога се качувате во авионот безбедносните мерки стануваат посложени – маските разбирливо се задолжителни, но оддалечувањето е невозможно. Имајќи предвид дека летовите се намалени и редовните рути не функционираат, со што побарувачката е голема – авионите се полни со патници. Ова придонесува сите места да бидат исполнети, иако претходно беше објавено дека средните седишта ќе бидат празни.
Додека патниците изразуваат загриженост, вработените дистрибуираат средства за дезинфекција и марамчиња, при што сите присутни можат да вршат основна хигиена.
Секој авион е опремен со најсовремени филтри за воздух и циркулацијата на вирусот е сведена на минимум. Но, потребно е патниците генерално да не зборуваат, бидејќи така нема да придонесат за можна инфекција со ширење капки во кабината. Сепак е тешко е да се земе пијалак или храна со маската, а уште потешко е да се помине долг временски период во тесна кабина на авионот.
Доколку авионот е полн, впечатокот на исчекување да мине летот е присутен кај сите патници.
Во контекст на иднината на воздушните патувања, патниците ќе мора да се прилагодат на новите правила заради личната безбедност и здравје.
