По професија е фармацевт, а во 2015 година, Дунавка Трифуновска ја претставуваше Македонија на Мис интернационал. Благодарение на посетите на азиските земји, имала можност да се запознае со начинот на кој се нагуваат тамошните жени, што за неа е и најприфатливо. Па, затоа вели:
– Лицето го негувам исклучиво со природна козметика и воопшто не се заморувам повеќе со маркетинг кампањи. Во Азија научив определени холистички пристапи на негување со органски производи и есенцијални масла, кои се произведуваат во природни еко-системи. Прифатив дека сонот, хармонијата на емоциите, органската храна како и медот, се мое секојдневие – открива Дунавка.
За формата вели дека ја одржува со добра комбинација на витамински напитоци и чаеви, со пешачење, кое е клуч за убави нозе и вежби, кои ѝ ги препорачале најдобрите професионалци во земјава.
– Клучот е во чаевите и во храната, која е високопротеинска, а нискокалорична.
