Индискиот гуру Моханџи е инспирација и духовен водач на милиони следбеници низ целиот свет, а меѓу нив се и некои познати личности како Новак Ѓоковиќ или Владо Дивац. Многумина тврдат дека средбата со овој мистериозен гуру им го променила животот.
Како што е наведено на неговата веб-страница, главната основа на учењето на Моханџи е духовното ослободување, а духовноста што ја негува се изразува преку свесноста со која живееме, свесноста низ која поминуваме низ искуствата во секојдневниот живот.
View this post on Instagram
Тој е основач на бројни добротворни организации и непрофитни организации, кои служат како платформи преку кои луѓето можат да го изразат своето сочувство преку несебични дела кои придонесуваат добрина за општеството.
Неговите здруженија работат во 15 земји низ целиот свет, додека голем број обожаватели и следбеници на учењата на Моханџи се наоѓаат во над 80 земји. Организацијата на Моханџи има следбеници и на Балканот, а во Србија, на пример, има околу 5.000 следбеници. Негови најпознати следбеници од таа земја се Новак Ѓоковиќ и неговата сопруга Јелена.
До 2000 година, Моханџи имал живот базиран на добра работа во корпорација и стабилен семеен живот. Но, таа година ја загубил ќерката Ама во сообраќајна несреќа. По таа несреќа, неговиот брак се распаднал и наскоро останал без пари.
Неговото враќање од дното започнало во 2007 година кога доживел моќно „шива искуство“ и започнал патување на духовност и мир, со цел да шири љубов, чистота на срцето, зборови и дела, чекорејќи по патот без насилство.
View this post on Instagram
Мохаџи го посетил Балканот, односно во Србија, во 2010 година, откако ја запознал сегашната сопруга Деви Мохан, која по потекло е од Србија и од почеток активно учествува во сите аспекти на мисијата на Моханџи.
Моханџи ги пренесува своите учења на Интернет и социјалните мрежи, а многумина бесплатните медитации ги следат преку „Јутјуб“. Тој дури има и апликација преку која им испраќа добри вибрации на своите следбеници и кога е далеку од нив.
