Пoпуларната пејачка Били Ајлиш за првпат се појави во креација на Оскар де ла Рента на најочекуваниот моден настан во сезоната, Мет Гала.
Но, за да се согласи да работи со Оскар де ла Рента, тимот на Оскар де ла Рента морал да се согласи на еден важен услов.
View this post on Instagram
Имено, Били веќе седум години е веган и е гласен активист за правата на животните. Затоа, било од големо значење дизајнерот чија креација ќе ја носи целосно да ја отфрли употребата на крзно од животни во своите креации.
View this post on Instagram
Во изминатите неколку години, оваа модна куќа не користеше крзно на модните ревии, бидејќи не било „елегантно, модерно или релевантно“ за креативните директори Фернандо Гарсија и Лаура Ким, пренесува „New York Times“.
View this post on Instagram
Сепак, брендот продолжи да продава облека направена од крзно од животни, а тоа претставувало „значителен износ на продажба и профит“, истакна извршниот директор на Оскар де ла Рента, Алекс Болен. Ставот на Били Ајлиш ја инспирирал оваа модна куќа да направи голема промена.
„Многу размислував за она што го кажа Оскар, кој беше љубител на крзно. Единствено за што се грижеше во модата беше тоа што неговите ставови за тој свет станаа застарени“, изјави Болен. „Мораме да се опкружиме со луѓе со различни погледи за модата“.
View this post on Instagram
Пејачката среќната вест ја сподели и на својот инстаграм-профил.
„Ви благодарам, Оскар де ла Рента, што го дизајнираше овој прекрасен фустан и ги оживеа моите идеи и визии. Ми беше чест да го носам овој фустан знаејќи дека Оскар де ла Рента во иднина нема да користи крзно“, напиша Били.
View this post on Instagram
„Воодушевена сум што дизајнерите и целиот тим ме сослушаа за ова прашање и сега направија промена што ќе влијае на општото добро, не само за животните, туку и за нашата планета и животната средина. Чест ми е што бев катализатор и што ме слушнаа по ова прашање. Ги повикувам сите дизајнери да го сторат истото“, порача Били.
Велелепната креација на Оскар де ла Рента е далеку од нејзиниот вообичаен стил, но пејачката откри дека конечно е подготвена да ја прифати нејзината женствена страна.
