Индиецот Ананд Пракаш Чуксеј изградил помала реплика на легендарниот Таџ Махал како дом за неговата 27-годишна сопруга. 52-годишниот бизнисмен го подигнал својот „споменик на љубовта“ во градот Бурханпур во централната индиска држава Мадја Прадеш.
Чукси изјави за „Би-Би-Си“ дека изградбата на куќата чинела околу 20 милиони рупии (260.000 долари) и дека тоа е „подарок за неговата сопруга, но и за градот и неговите луѓе“.
Оригиналниот Таџ Махал го изградил императорот Шах Јахан во спомен на неговата сопруга Мумтаз која починала додека го раѓала нивното 14-то дете. Неверојатниот мермерен споменик е една од најголемите туристички атракции во Индија, а пред пандемијата привлекуваше дури 70.000 луѓе дневно.
Репликата на Чукси, сместена на неговиот простран имот кој вклучува болница, исто така привлекува постојан прилив на посетители.
„Луѓето шетаат по тревниците и ја фотографираат околината“, рече тој, додавајќи дека многумина го избираат овој простор за нивните фотографии пред свадбата.
#ICYMI | Man gifts his wife a Taj Mahal replica home in MP pic.twitter.com/Wpu9YqwvAZ
— The Times Of India (@timesofindia) November 24, 2021
„Не ги спречувам бидејќи нашиот град е тесно поврзана заедница во која секој се познава со секого. Така што мојата куќа е отворена за секого“, рече Чукси истакнувајќи дека не им било дозволено на сите да влезат во куќата бидејќи „сè уште е негов дом во кој живее со семејството“.
Но, понекогаш, семејството ги прима своите гости кои доаѓаат и се восхитуваат на раскошната внатрешност на куќата – сложените цветни мотиви што ги красат мермерните ѕидови, подови и прозорци.
Куќата се состои од две главни спални соби сместени на два посебни ката. Има и библиотека и соба за медитација. Дневната соба е украсена со мермерни столбови, закривени скали и позлатен таван.
