Англиската водителка Холи Вилогби се расплака во емисијата „This morning“, поради децата што страдаат во Украина. Нејзиниот колега Филип Шофилд најави пауза кога на Холи почнаа да и течат солзи по лицето и таа почна да ги брише со марамче.
„Многу е тешко да не чувствуваш тага кога ќе видиш што се случува во светот“, изјави подоцна Холи Вилогби, а претходно ја погоди и снимката на која се гледа како едно девојче пее во засолниште во Киев.
„Сите бевме многу погодени“, додаде водителката која се расплака и за приказната за 11-годишното момче што само ја поминало границата со Словачка.
Актерката Никола Торп беше присутна во студиото и изјави дека владата не се залага доволно за луѓето да дојдат на безбедно во Велика Британија.
Снимката од емисијата набрзо се прошири низ социјалните мрежи. Гледачите се огласија и пишуваа дека се согласуваат со Никол, а имаше многу коментари и за Холи.
„Апсолутно ги разбирам нејзините солзи. Запомнете дека еден ден и ние би можеле да се најдеме во истата ситуација. Којзнае по кој пат ќе тргне Путин, нема што да изгуби.“, „Може некој да ја прегрне Холи, ве молам“, се само дел од коментарите.
This Morning’s Holly Willoughby wipes away tears at child who fled Ukraine alonehttps://t.co/S2BpO6oNyA pic.twitter.com/uW5tzxnjgA
— Mirror TV (@MirrorTV) March 8, 2022
