Во средината на септември, поточно утре, на 15 септември, пристигнува првата есенска Млада Месечина. Првата есенска Млада Месечина ќе биде во знакот Девица.
Периодот кога Месечината не се гледа на небото е неповолен, па затоа треба да бидете максимално внимателни.
Што треба да се прави на овој ден, а што треба да се избегнува?
Младата Месечина е време кога Месечината се обновува и го започнува својот нов циклус. Оваа фаза се смета за една од најинтересните – планетата е помеѓу Земјата и Сонцето, а во овој момент Месечината е практично невидлива од Земјата, бидејќи осветлената страна е свртена зад нас.
Лунарниот циклус трае приближно 29,5 дена, така што датумот на Младата Месечина е различен секој месец. Младата месечина во септември 2023 година ќе се случи на 15 септември во 04:40 часот, во знакот Девица. По правило, периодот на Млада Месечина трае три дена: претходниот ден, денот на Младата Месечина и ден потоа.
Со оглед на тоа што овојпат Младата Месечина ќе биде во знакот на Девица – таа сака јасност и ред во работите, мислите и емоциите. Ова секако е поволно за планирање на различни работи, и на професионален и на личен план, но може да се појави и силна желба да се воведе ред на оние места каде што се е хаотично. Младата Месечина во Девица ќе делува на нашето освестување, ќе не натера да се погледне пообјективно на нештата: не е така сè што изгледа!
Во овој период мора да бидете потолерантни кон несовршеностите во животот, и да не се мешате во „нередот“ на личностите со кои сте блиски, сакајќи вие да ги ставите во ред, зашто може токму тоа да предизвика големи конфликти и кавги.
Младата месечина не е најдобро време да започнете нешто ново, особено не нови важни работи. Можете да планирате, но сè уште не можете да дејствувате. Исто така, во овој период луѓето стануваат поимпулсивни и многу поемотивни, па затоа треба да ги контролирате емоциите.
Има уште неколку астро-забрани што не треба да ги правите на оваа Млада Месечина:
– Да не влегувате во расправии зашто можат да предизвикаат скандали
– Ако чувствувате дека ја губите контролата над вашите емоции, подобро е да молчите;
– Немојте да размислувате за ништо лошо – негативните мисли можат силно да влијаат на одлуките и постапките;
– Не преземајте никаква дополнителна работа, на пример, избегнувајте големо чистење на домот, поправки и слично,
– Не ја зголемувајте физичката активност – можеби немате доволно енергија;
– Не помислувајте да го смените во овој период работното место,
– Не извршувајте големи трансакции со пари, не правете скапи набавки;
– Избегнувајте медицински операции, ако не се итни, како и козметолошки процедури;
– Избегнувајте конзумирање на алкохол и прејадување.
Исто така во ова време треба да ја минимизирате комуникацијата со енергетските „вампири“ и токсичните луѓе – тие се способни дополнително да ви ја одземат енергија, а – и тоа како – енергија ќе ви треба пред почетокот на новиот месец (октомври).
Што може да правите на оваа Млада Месечина
– Овој пат е одлична за ресетирање: додека Месечината не е видлива на небото, можете да размислите за сè и да поставите нови цели, а со растечката Месечина да почнете да дејствувате.
– Планирајте! Најдобро е да ги запишете сите ваши желби и соништа, колку повнимателно се обмислени, толку е поголема веројатноста дека сè ќе испадне како што е планирано;
– Исфрлете го „ѓубрето“ од куќата – ослободете се од непотребните и стари работи;
– Направете „чистење“ во животот – ослободете се од оние со кои се чувствувате непријатно, слободно напуштете ги врските што не функционираат или ве задушуваат;
– Простете ги сите навреди кои сте ги добиле од оние што ве навредиле;
– Откажете се од лошите навики;
– Остварувајте познанства со интересни луѓе.
Од една страна, Младата Месечина е време на одмор, тишина, мир и закрепнување. Но, од друга страна, во овој момент во нашите животи можат да дојдат и нови луѓе со одредена цел. Запомнете го ова, не оттурнувајте ги и не одбивајте комуникација, благодарение на ова може да имате многу нови можности.
