Луѓето родени во овој хороскопски знак се фасцинирани од баланс и симетрија. Тие имаат тенденција да направат сè околу себе совршено и се ужаснуваат од ситуации во кои се принудени да изберат нечија страна, пишува „Аtma“.
Вагите постојано се стремат кон рамнотежа помеѓу духовното и материјалното. По природа, тие се луѓе од блага, помирлива природа, кои не се склони кон кавги и избегнуваат конфликти со сета сила, дури и кога не би требало. Тие се многу емотивни, шармантни и интуитивни.
Луѓето родени во овој знак оставаат впечаток на симпатична, пријатна и донекаде мистериозна индивидуа.
Вистина е дека знаат да бидат понеодлучни во донесувањето одлуки отколку другите знаци, но такви се бидејќи во се ја гледаат и добрата и лошата страна.
Тие претставуваат јин и јанг, односно имаат личност која е мешавина на рационалното и логичнот со нестабилни емоции.
Вагите се плашат од осаменост. Тие се многу друштвени, комуникативни и сакаат постојано да бидат опкружени со луѓе, без разлика дали се членови на семејството или пријатели. Имаат харизма во себе што ги привлекува луѓето и тоа е неверојатно лесно.
Знаат понекогаш да влезат во расправија, но ако на крајот сфатат дека не биле во право, Вагите искрено ќе го признаат тоа. Со задоволство ги слушаат другите и прифаќаат совети.
Вагите се воздушен знак, а инспирацијата ја наоѓаат во книги, интересни дискусии и интересни луѓе. Знаат како да се релаксираат, да се одморат и да се забавуваат, но ако треба да се направи нешто сериозно, тоа ќе биде прифатено вредно, сериозно и педантно.
Припадниците на овој знак сакаат убави работи и убави луѓе, и тоа не е тајна. И тие самите се такви. Имаат природна елеганција во себе, внимаваат на својот изглед, изгледаат младешки и често имаат посветол тен. Речиси секогаш оставаат впечаток на уредност.
Уживаат кога се опкружени со уметност, музика и прекрасни простори. Сепак, колку и да сакаат убави нешта, квалитетот е на прво место. Тие често прават креативни работи, а атмосферата на работното место им е исклучително важна, понекогаш дури и пресудна за да ја прифатат работата или не.
Вагите ги сакаат парите, бидејќи тогаш можат да купат убави работи, да излезат на убави места, да јадат добра храна, да патуваат… Но, колку и да би сакале да бидат богати, никогаш нема да работат со лоши луѓе за да го остварат тоа.
Луѓето родени во овој знак ја ценат еднаквоста и не толерираат неправда. Тие мразат кога се принудени да изберат нечија страна, повторно затоа што се најсреќни кога сè околу нив е избалансирано и сите се среќни.
Важно е да имаат доволно време за донесување одлуки, затоа што тоа им оди побавно поради упорното вагање на секоја ситуација. Иако тоа го прават побавно од другите знаци, штом ќе донесат одлука, ќе се држат до истата.
Ако треба да донесат одлука под притисок, за да угодат некому, Вагите тоа ќе го направат брзо, но тие често ќе ги менуваат таквите одлуки.
