Актерот Кијану Ривс, познат по улогите во серијата филмови „Матрикс“ и Џон Вик, зборуваше за „последниот момент на блаженство“ со својата сакана, уметницата Александра Грант.
Ривс ги сподели деталите од неговиот личен живот во интервју за People.
Новинарите го прашале 58-годишниот Кијану Ривс кога последен пат доживеал блаженство. „Пред неколку дена со мојата сакана“, призна тој, мислејќи на неговата 49-годишна сакана Александра Грант.
„Бевме во кревет. Бевме поврзани. Се насмевнавме, се смеевме…Се чувствувавме одлично. Едноставно беше многу убаво што сме заедно“, додаде актерот.
За прв пат за романсата на Кијану Ривс и Александра Грант, која е десет години постара од него, се дозна во ноември 2019 година. Тие го направија своето јавно деби како пар, појавувајќи се заедно на LACMA Art + Film Gala.
Во април 2022 година, медиумите почнаа да зборуваат за нивната свршувачка откако актерот беше забележан како купува прстен.
Кијану Ривс никогаш не бил во брак. Во 1999 година, актерот и неговата свршеница, актерката Џенифер Сајм, добија мртва ќерка, Ава. Две години подоцна почина и неговата сакана Џенифер: таа загина во сообраќајна несреќа.
