– Денес времето во Македонија ќе биде променливо облачно со умерен до засилен ветер од јужен правец. Попладне и во вечерните часови од запад ќе се прошируваат врнежи од дожд. Поинтензивни врнежи ќе има во западните предели (локално над 30 л/м2 воден талог), додека на повисоките планини ќе врне снег. Температурите ќе се искачуваат во интервалот од 11 до 16 степени, вели нашиот метео прогнозер Славчо Попоски.
Во Скопје и околината времето ќе биде променливо облачно со умерен до засилен јужен ветер. Доцна попладне и навечер ќе има врнежи од дожд, додека максималната температура ќе се искачи до околу 16 степени.
Според Попоски, од утре времето ќе биде претежно облачно со повремени врнежи од дожд, додека на планините врнежите полека ќе преминуваат во снег. Ќе дува умерен до засилен ветер од западен и од југопзападен правец, додека температурите ќе се искачуваат во интервалот од 8 до 15 степени.
Под влијание на СТУДЕН БРАН од север, во вторник ќе дува засилен ветер од северен и од северозападен правец и ќе има повремени врнежи од дожд, додека на повисоките места и на планините врнежите ќе бидат од снег. Во вторник исто така услови за провејување на снег ќе има и на некои пониски места, додека температурите ќе се искачуваат во интервалот од 1 до 10 степени во најтоплите предели.
Поради разведрувањето, ОСОБЕНО СТУДЕНО утро ќе имаме во среда, кога минималните температури насекаде ќе бидат под нулата и иситите ќе се спуштаат во интервалот од -9 до 0 степени додека на планинските места истите се очекува да се спуштат и под -10 степени.
