– Како што претходно кажавме, до самиот крај на оваа недела ќе имаме променливо облачно и релативно топло време со сончеви периоди. Ќе има услови и за сосема слаб и локален дожд, а ќе дува и слаб до умерен, повремено на некои места засилен ветер од јужен и од југоисточен правец, вели метео прогнозерот Славчо Попоски.
Температурите и тоа поради јужното воздушно струење ќе бидат релативно високи и НАТПРОСЕЧНИ, и истите ќе се искачуваат во интервалот од 17 до 23 степени, додека за време на викендот понекаде истите се очекува да се искачат дури до околу 25 степени.
– И во Скопскиот регион во следните денови времето ќе биде променливо облачно и НАТПРОСЕЧНО топло со сончеви периоди. Ќе дува слаб до умерен ветер од југоисточен правец, и истиот повремено ќе засилува на интензитет. Температурите ќе се искачуваат во интервалот од 19 до 21 степен, заклучува Попоски.
