Фустанот со пораката на актерката во Сараево ги трогна присутните, деталите се неверојатни
Актерката Алена Џебо беше едно од највпечатливите лица на црвениот тепих на Сараевскиот филмски фестивал.
Таа ги воодушеви публиката, критичарите и фотографите со својот моден избор – се појави во долга, бела креација со едноставни линии, но со многу силна симболика.
На фустанот се истакнуваа рачно нацртани детски цртежи – куќи, дрвја, цвеќиња и срца – што му даваше допир на нежност и топлина. Особено внимание привлече натписот на арапски јазик, напишан на предната страна од фустанот, што значи „соништа“.
Комбинацијата од минималистички крој и силна порака го претвори овој фустан во повеќе од модна креација – тој стана уметнички израз.
