Австралијка од Перт може да го изгуби палецот откако се заразила со бактериска инфекција за време на маникир.
Агенцијата за заштита на потрошувачите изминатата година добила 10 поплаки за процедури за нокти. Не постојат посебни закони за хигиена за салоните за нокти, само упатства.
Сју, 48, живееше со неподносливи болки во палецот во последните две години откако се зарази со стафилокок инфекција за време на маникир во салон за убавина во Перт. Таа тврди дека техничарот ѝ ги заменил ноктите со акрилни и почнал да ги турпира со алат пред да го потопи со ацетон, пишува „Дејли мејл“.
Сју подоцна поминала пет дена во болница, откако дознала дека дел од коската на палецот мора да и се отстрани. Таа вели дека најлошото што може да се случи е да ѝ го ампутираат прстот.
Продолжила да живее со постојана пулсирачка болка во палецот, кој исто така горел.
„ Навистина пулсира и не можете да се извлечете од тоа“, изјавила таа за „Nine News“.
Таа сега одлучи да преземе правна постапка против салонот затоа што не ги исполнил „хигиенските стандарди“.
„Не би оделе на валкан стоматолог, зошто би оделе во валкан салон за нокти?“, рече таа.
