Во „Музеј на македонската борба“ денеска беа избрани десетте жени – победнички во изборот „Жена на годината 2022“.
Слаѓана Вујошевиќ е избрана за жена на годината, Виолета Томовска е избрана за жена со трајни вредности. Жена менаџерка на годината e Билјана Караманолевска, жена млада менаџерка на годината Светлана Кордумова. Потоа, жена со најголеми достигнувања во науката и технологијата e Мартина Димовска, жена со најголеми достигнувања во културата Пламенка Трајковска. За најголеми достигнувања во спортот e избрана Оливера Наковска Бикова, жена со најголеми достигнувања за општеството Ребека Јанковска-Ристески. Најдобар стил има Дита Старова Ќерими и инфлуенсерка на годината e Александра Шијакоска.
Целта на изборот „Жена на годината“ е да се оддаде признание на жени кои со својот професионален и општествен ангажман секојдневно и во континуитет поставуваат високи стандарди на деловно и етичко однесување и остваруваат забележителни резултати во годината што одминува.
Организатори на „Жена на годината“ се Маркетинг 365 и Касиа Евентс, а настанот е поддржан од Империал Тобако, Шпаркасе банка, БАС, Фабу спот, Фит Кит, Раде Кончар ТЕП, Семос Едукација, Нептун, Енерџи студио, Кариера.мк, Инекс Олгица, Пакомак, Биромаркет, Pageland, Пивара Скопје, Мебел Ви, Генерали Инвестментс, Среќа бар & фуд и Нестле Профешионал.
