– Од денес, па во текот на новата седмица која е пред нас следува период на стабилно и суво време. Денес ќе има позначителна облачност, додека од утре ќе има и повеќе сончеви периоди. Исто така денес ќе дува и слаб до умерен, а долж Повардарието повремено засилен ветер од северен правец.
Сепак ќе биде ЗНАЧИТЕЛНО ПОСТУДЕНО и во следниот период минималните температури на повеќе места ќе се спуштат под нулата, односно истите ќе се спуштат во интервалот од – 5 до 1 степени.
Максималните дневни температури исто така ќе бидат ЗНАЧИТЕЛНО ПОНИСКИ и ќе се искачуваат во интервалот од 4 до 11 степени.
Во Скопје и околината исто така времето ќе биде претежно стабилно и суво. Денес ќе дува умерен, повремено засилен ветер од северен правец. Минималните температури во следниот период ќе се спуштаат за некој степен под нулата, додека максималните ќе се искачуваат до околу 7 степени – вели метеопрогнозерот Славчо Попоски.
