Шумски пожар избувна во областа на нуклеарната централа Запорожје, соопштија локалните власти, цитирани од руската агенција Тасс.
„Горат шумите во областа на нуклеарната централа“, напиша на Телеграм член на советот на регионалната воено-цивилна администрација Владимир Рогов, приложувајќи сателитски снимки на кои се гледа чадот во областа во близина на централата.
Во меѓувреме, Украина и Русија меѓусебно се обвинуваат за континуираните бомбардирања регистрирани во областа на нуклеарната централа.
