Рускиот претседател, Владимир Путин изјави дека ракетниот систем „Патриот“ е застарен.
Тој вели дека Русија „секогаш ќе наоѓа противотров за таквите потези“.
„Што се однесува до „Патриотите“, ова е прилично стар систем и не работи добро како нашиот С-300. Нашите противници мислат дека тоа е одбранбено оружје, тоа е она што тие го тврдат. Но, тоа е само нивна имагинација, ние секогаш ќе најдеме противотров за таквите потези. Значи, тие само губат време, само го одложуваат конфликтот“, изјавил Путин, пренесува „Си-Ен-Ен“.
Ракетниот систем за противвоздушна одбрана „Патриот“ првенствено се користи за пресретнување и соборување балистички и крстаречки ракети. САД ќе испорача „Патриот“ за Украина.
Претходно, руски пропагандисти велеа дека овој систем не е ефикасен, но и се закануваа до земјите кои ја помагаат Украина со оружје.
