Во градскиот парк во Скопје се одржа Првиот национален саем за храна и пијалаци под мотото „Вкуси ја традицијата“ и во организација на Министерството за земјоделство, шумарство и водостопанство и „Слоу Фуд“ Македонија.
– Ова богатство го нема никаде на друго место во светот. Денешниот саем е вистинската слика за тоа што значи оваа наша македонска земја. Богатство на вкусови, мириси, бои, богатство за сите сетила. Под нашето македонски сонце растат многу специфични, автохтони македонски сорти грозје, од кое се прави најубавото македонско вино. Сонце под кое растат највкусните македонски овошја, зеленчуци, жита, мешунки, од кои се прави најбавото тавче гравче, најубавите пити, највкусниот ајвар, лутеница, сарма, туршија – изјави премиерот Димитар Ковачевски.
На саемот учествуваат 40 здруженија и над 200 изложувачи на вкусна храна и пијалаци, а организаторите се надеваат дека ќе прерасне во традиција.
