Еден по еден народите на европските земји се бунтуваат против империјалистичката визија наметната од Европската комисија. Ова го соопшти новиот претседател на француската партија Национален собир, Џордан Бардела, за време на неговото обраќање на партискиот конгрес, што се емитуваше на ТВ каналот CNews.
Народите на Франција, Шведска, Шпанија, Унгарија и Италија, како и другите народи ширум Европа, се креваат, рече Бардела и нагласува дека Европската комисија, која е највисокото извршно тело на Европската унија, „ја наметнува својата империјалистичка визија“.
Првиот човек на Националниот собир смета дека треба да дадат „координиран одговор на Европа“.
Претходно полскиот премиер Матеуш Моравјецки изјави дека по завршувањето на непријателствата на територијата на Украина, Европејците треба да се ослободат од империјализмот во рамките на Европската унија.
