„Нашата политика ќе продолжи да се фокусира на зајакнување на кубанскиот народ за да му помогне да создаде иднина ослободена од економско страдање“, соопшти Стејт департментот. Блада реакција од Куба: „Мал чекор“.
Џо Бајден го отповика притисокот на Доналд Трамп против Куба, Американскиот Стејт департмент објави дека наскоро ќе бидат обновени комерцијалните летови до најголемиот остров на Карибите – кои сега стигнуваат само до главниот град Хавана. Но, не само тоа, американскиот претседател, исто така, ќе ја врати програмата за обединување на семејствата, која беше суспендирана со години. „Кубанскиот народ се соочува со хуманитарна криза без преседан и нашата политика ќе продолжи да се фокусира на зајакнување на кубанскиот народ за да му помогне да создаде иднина ослободена од репресија и економски страдање“, се вели во соопштението на Стејт департментот.
Олеснувањето на ембаргото за Куба ќе резултира и со зголемено издавање на визи, вклучително и во конзулатот во Хавана. Според администрацијата на Бајден, оваа одлука ќе ги „олесни образовните врски“ меѓу двете земји, како и поддршката за професионално истражување, вклучително и поддршка за проширување на пристапот до Интернет и на компаниите кои се занимаваат со трансфер на пари во странство.
Кубанската влада ги опиша мерките објавени од Соединетите држави – вклучувајќи го и обновувањето на комерцијалните летови до неколку градови на островот – како „мал чекор во вистинска насока“. Во соопштението објавено непосредно по објавата на Вашингтон, Министерството за надворешни работи на Куба изрази жалење што администрацијата на Џо Бајден не го укина економското ембарго, кое е во сила од 1962 година. Од Министерството повторија и дека Хавана е отворена за дијалог со Вашингтон „врз основа на Повелбата на Обединетите нации“. Двете земји одржаа билатерален дијалог за миграцијата во главниот град на САД во април минатата година. Тоа беше прва ваква средба во последните четири години.
Министерот за надворешни работи Бруно Родригез ги прекори Соединетите држави дека „не ги промениле ниту целите, ниту главните инструменти на политиката за банкрот против Куба“, во порака објавена на Твитер. Сепак, владата во својата изјава нагласи дека одлуката „исто така одговара на барањата на американското општество и Кубанците кои живеат во таа земја“ и дека „тоа беше барање од Заедницата на државите од Латинска Америка и Карибите и речиси сите земјите-членки на Обединетите нации“, пренесува раињуз.ит.
Anuncio del gobierno EEUU es un paso limitado en dirección correcta. La decisión no modifica el bloqueo, la inclusión fraudulenta en lista de países patrocinadores del terrorismo, ni mayoría de medidas coercitivas de máxima presión de Trump que aún afectan al pueblo cubano.
1/3 pic.twitter.com/hndAv6sHi2
— Bruno Rodríguez P (@BrunoRguezP) May 16, 2022
