Луксузната јахта на украинскиот олигарх, поранешен украински претставник и сојузник на Путин, Виктор Медведчук, 92-метарската кралска романса, која е вкотвена во Трогир, беше претресена по налог на Жупанискиот суд во Сплит.
Ова го потврдил Динко Мешин, судија и портпарол на жупанискиот суд во Сплит, а налогот за претрес е издаден на 15 ноември по барање на Министерството за правда на САД, пишува Јутарњи лист.
Станува збор за тајна постапка, па судијата не открил повеќе детали, освен дека налогот го вклучува името на украинскиот олигарх и на неговата сопруга Оксана Марченко.
Луксузната јахта „Royal Romance“, вредна околу 180 милиони долари, е долга 93 метри, широка 14,3 метри, дизајнирана е да смести 14 гости во седум луксузни кабини, ја опслужуваат 22 членови на екипажот.
„Royal Romance“ развива максимална брзина од 15 јазли, има провев од 3,85 метри, а луксузните погодности вклучуваат, теретана, лифтови кои поврзуваат вкупно пет палуби и 12-метарски базен со водопад на палубата.
