Божиќните пости кои траат 40 дена се голем предизвик како за верниците, така и за традиционалната македонска кујна. Традиционалното посно мени овојпат сакаме да го збогати со нови посни рецепти кои ќе бидат лесни за подготовка и вкусни за да уживате комплетно во постот.
Овојпат можеби нема да поканите гости за да уживаат во нив, но гледајте ја позитивната страна, сите ќе бидат за вас.
Состојки:
– 400 гр. печени несолени кикирики
– 450 гр. урми
– 400 гр. бела таан алва
– 200 гр. маргарин
– 100 гр. црна чоколада или какао прав
Подготовка:
Печените кикирики треба да бидат мелени, но не многу ситно туку на покрупни парчиња. Свежите урми ги сечете на поситни парчиња и заедно со кикириките ги ставете ги во подлабок сад.
Во подлабокиот сад додадете ги маргаринот и алвата исечени на помали парчиња.
Со раце ја замесувате цела смеса за убаво да се соединат сите состојки.
Со двете раце формирајте топчиња, бомбици кои ќе ги поставувате во хартиени корпи за колачи. Претходно по желба извалкајте ги со рендана црна чоколада или какао прав.
Внимавајте, толку се вкусни што нема да успеете да изеде само една.
Добар апетит!
