Печените компири се одличен прилог за месните јадења или оние од риба, а со лесна салата може да се претворат и во главно јадење на кое никој нема да може да одолее!
Ова е традиционален шпански рецепт за двослојна термичка обработка на компирот. За неговата подготовка, најдобро е да користите компир кој е богат со скроб, како што е стариот компир, бидејќи истиот нуди најбогат вкус.
Потребни состојки (за 4 до 6 лица):
– 1,5 кг. компири
– 50 гр. свеж рузмарин
– 2 поголеми главици лук
– 70 мл. маслиново масло
– 2 лажички путер
– 1 помал лимон
– сол и црн бибер
Подготовка:
Исчистете и излупете ги компирите. Потоа, исецкајте ги на коцки со еднаква големина и ставете ги во голем лонец со студена вода.
Добро посолете и поставете го лонецот на висока температура. Варете ги околу 20 до 25 минути, додека компирите не омекнат.
Во мал сад, измешајте ги исецканиот лук и рузмарин.
Исцедете ја водата од варениот компир и исушете ги.
Земете тава за печење во која ќе додатете маслиново масло. Додајте ги компирите и печете околу пет минути додека кората не стане златна и крцкава.
Потоа, извадете ја тавата од рерна, додајте ја комбинацијата од лук и рузмарин, добро промешајте, а потоа додајте го и путерот и посолете по желба.
Печете сe додека не заруменат.
Кога компирите ќе се запечат, изрендајте кора од лимон врз нив и послужете ги топли. Добар апетит!
