Постојат многу варијации на тема варено вино, но основниот рецепт би изгледал вака:
Состојки:
1 литар црно вино
7 каранфилчиња
150 – 200 мл вода
5-7 лажици шеќер
1 пакетче кора од цимет
по желба кора од портокал
Подготовка:
Во вода растопете го шеќерот, додајте цимет и каранфилчиња и варете додека отприлика половина вода не испари. Ставете го виното и оставете го да зоврие. Вареното вино послужете го во топли шолји или во чаши со метална рачка.
Тајната состојка
Ако сакате вареното вино да ви добие посебна арома, во него ставете неколку зрна бибер и варете го со другите зачини. Црниот бибер ќе ви послужи и ако при рака немате каранфилчиња.
Исто така, при сервирањето во шолјата ставете парче портокал, ќе му даде на виното посебен вкус.
